Аўстралія

Article on other languages:

Аўстралія
герб сцяг
герб
сцяг

дэвіз: 'няма'
геаграфічнае месцазнаходжанне
дата ўтварэння
дзяржаўная мова: Англійская
сталіца: Канбера
прадстаўнік дзяржавы: генерал-губернатар Майкл Джэфры
кіраўнік дзяржавы: прэм'ер-міністр Джон Ховард
плошча: 7,741,220 км²
насельніцтва: 20,555,300 2006
шчыльнасць насельніцтва: 2,6 жых./км²
грашовая адзінка: Аўстралійскі долар
часавы пояс:
гімн: "Advance Australia Fair"
нумарныя знакі аўтамабіляў:
дамен у Інтэрнеце: .au
міжнародны тэлефонны код: +61
карта

АЎСТРАЛІЯ, Аўстралійскі саюз, дзяржава, якая займае кантынент Аўстралія, востраў Тасманія і шэраг дробных астравоў Індыйскага і Ціхага акіянаў. Сталіца – Канбера.

Змест

Гісторыя

Першымі еўрапейцамі, трапіўшымі ў Аўстралію, былі галандцы У. Янсзон (1606) і А. Тасман (1642). У 1770 Аўстралійскі кантынент даследаваў мараплавец Дж. Кук. У 1788 ангелійскі капітан А. Філіп, які прыбыў ў раён сіднэйскай бухты на чале 11 караблёў са зняволенымі на борце, заснаваў першае паселішча. У 1901 адбылося аб'яднанне шасці калоній у Аўстралійскі Саюз, які атрымаў статут дамініёна Вялікабрытаніі. У 1931 паводле Вестмінстэрскага Статута Аўстралія атрымала самастойнасць ад метраполіі.

Геаграфія

Тэрыторыя – каля 7,7 млн. км2. Адміністрацыйна падзяляецца на шэсць штатаў – Новы Паўднёвы Уэльс, Вікторыя, Квінсленд, Паўднёвая Аўстралія, Заходняя Аўстралія, Тасманія і дзве тэрыторыі – Паўночная і Аўстралійская сталічная, якія маюць свае парламенты і ўрады і карыстаюцца значнай самастойнасцю.

Аб прыродзе гл.: Мацярык Аўстралія

Дэмаграфія

Насельніцтва – 20 млн. чал., у асноўным нашчадкі перасяленцаў з Вялікабрытаніі і Ірландыі, а таксама імігранты з іншых краін. Карэнных жыхароў (абарыгенаў) – каля 386,5 тыс. чал. Таксама ў Аўстраліі пражывае каля 80 тыс. рускіх, больш 40 тыс. украінцаў, больш 20 тыс. армян, больш 40 тыс. латышоў, літоўцаў і эстонцаў.

Найбуйныя гарады: Сідней (4 млн. чал.), Мельбурн (3,37 млн. чал.), Брысбен (1,63 млн. чал.), Перт (1,34 млн. чал.), Адэлаіда (1,07 млн. чал.), Канбера (331 тыс. чал.).

Палітыка

Унутраная палітыка

Аўстралія (Аўстралійскі Саюз) – канстытуцыйная манархія. Глава дзяржавы – каралева Вялікабрытаніі, прадстаўленая генерал–губернатарам (з 11 жніўня 2003 г. – Майкл Джэфры).

Вышэйшы заканадаўчы орган - федэральны парламент, які складаецца з Сената і Палаты прадстаўнікоў. Галоўную ролю ў ажыццяўленні заканадаўчых функцый мае Палата прадстаўнікоў (150 дэпутатаў абіраюцца ўсеагульным таемным галасаваннем тэрмінам на 3 гады).

Выканаўчую ўладу здзяйсняе ўрад, прызначаны з ліку парламентарыяў, на чале з прэм'ер-міністрам, лідэрам партыі, якая перамагла на выбарах.

На парламенцкіх выбарах у кастрычніку 2004 г. перамогу (чацвёрты раз запар) атрымала кааліцыя Ліберальнай і Нацыянальнай партый на чале з Джонам Ховардам.

Знешняя палітыка

Аўстралія аказвае істотную дапамогу развіваючымся краінам, у тым ліку, дзяржавам паўднёвай часткі Ціхага акіяна (ок. 700 млн. аўстр. дал. у год).

Эканоміка

Грашовая адзінка – аўстралійскі долар (1 аўстр. дал. = 0,75 дол.ЗША.)

Аўстралія – высокаразвітая індустрыяльна–аграрная краіна. Эканамічнае развіццё характарызуецца стабільнасцю і ўстойлівасцю. ВУП складае каля 800 млрд. аўстр. дал., узровень інфляцыі – каля 3%, беспрацоўе – каля 6%. Уліковая крэдытная стаўка – каля 6%.

Ключавая роля ў эканоміцы належыць перапрацоўчай, горназдабыўной і сельскагаспадарчай галінам, у значнай ступені арыентаваным на знешнія рынкі. Галоўныя галіны перапрацоўчай прамысловасці: машынабудаванне і металаапрацоўка, харчовая, хімічная і нафтаперапрацоўчая, чорная і каляровая металургія, выдавецка-паліграфічная. Горназдабыўная прамысловасць абапіраецца на запасы разнастайных карысных выкапняў і мае вядучую ролю ў фармаванні экспарту краіны: вугаль, прыродны газ, уранавыя, жалезныя, поліметалічныя руды, баксіты, свінец, медзь, каштоўныя металы, дыяменты і д.п. У сельскай гаспадарцы вядучае месца займае жывёлагадоўлю. Аўстралія – найбуйны ў свеце вытворца і пастаўшчык высакаякаснай поўсці, а таксама адзін з асноўных экспарцёраў мясамалочных прадуктаў, пшаніцы, цукру. Значная частка аўстралійскага экспарту прыходзіцца на прадукцыю аграрнага сектара і здабываючай прамысловасці. У імпарце пераважаюць машыны, абсталяванне і транспартныя сродкі, тавары шырокага спажывання, хімічныя тавары, медыкаменты.

Аб'ём замежных інвестыцый у краіне – каля 980 мільярдаў аўстралійскіх долараў. Замежны капітал у асноўным засяроджаны ў паслугах і нерухомасці, прамысловай вытворчасці і якая здабывае прамысловасці.

Культура

Рэлігія – больш 70% насельніцтва вызнаюць хрысціянства.

Нацыянальнае свята – Дзень Аўстраліі (26 студзеня). У гэты дзень у 1788 г. было заснавана першае еўрапейскае паселішча.

У краіне існуе абавязковая адукацыю для дзяцей ад 6 да 15 гадоў. Дзейнічаюць 39 універсітэтаў, 35 каледжаў, а таксама 4 інстытута. Агульная колькасць студэнтаў ВНУ – звыш 700 тыс.чал. (з іх замежных студэнтаў – 174 тыс. чал.).

Шырока развітыя сродкі масавай інфармацыі. Аўстралія займае адно з вядучых месцаў у свеце па колькасці перыядычных выданняў на душу насельніцтва.

Узброеныя сілы

Узброеныя сілы – каля 65 тыс.чал., уключаючы рэзервістаў. Фармуюцца на кантрактнай аснове.

Спасылкі

Commons
У ВiкiСховішчы ёсць выявы з тэмай:
Аўстралія


Узята з "http://be.wikipedia.org/wiki/%D0%90%D1%9E%D1%81%D1%82%D1%80%D0%B0%D0%BB%D1%96%D1%8F"

This article is from Wikipedia. All text is available under the terms of the GNU Free Documentation License.